01 июн 07:37
Янгиликлар
Губернатор кубоги. Тўртта олтин қўлга киритилди, Ҳасанбойга ноҳақлик қилишди
Халқаро турнирнинг ҳал қилувчи финал жангларида 7 нафар чарм қўлқоп устамиз рингга кўтарилишди. Улардан икки нафари - Рио Олимпиадаси чемпиони Шаҳобиддин Зоиров ҳамда Миразиз Мирзаҳалилов -56 кг вазнда ўзаро чемпион номини аниқлашди. Ушбу жанг бироз кутилмаганда Миразизнинг 5:0 ҳисобидаги яққол ғалабаси билан тугади.
49 кг вазн тоифасида рингга кўтарилган ҳамюртимиз Рио Олимпиадаси чемпиони Ҳасанбой Дўсматовга ҳакамлар ноҳақлик қилишди. Агар Ҳасанбой ғалаба қозонганида умумжамоа ҳисобида 5та олтин медал билан биринчи ўринни қўлга киритишимиз аниқ бўларди. Шу боис ҳам ҳакамлар 3:2 ҳисобидаги ғалабани россиялик Батор Сагалуевга тортиқ этишди.
Чарм қўлқоп усталаримиздан Исроил Мадримов, Бектемир Мелиқўзиев ва Баҳодир Жалолов финалда рақибларини катта устунлик билан мағлуб этиб, халқаро турнир чемпионига айланишди. Жалолов иккинчи раунддаёқ рақибини техник нокаутга учратди. Иккита нокдаундан сўнг рефери жангни тўхтатди. -60 кг вазндаги боксчимиз Шунқор Абдурасулов эса россиялик Альберт Батиргазиевга 1:4 ҳисобида ютқазиб қўйди.
Ярим финалда мағлубиятга учраган Жасурбек Латипов, Иқболжон Холдоров ва Санжар Турсуновлар эса халқаро турнирнинг бронза медали билан тақдирланишганди.
Умумжамоа ҳисобида Россия терма жамоаси 4та олтин, 4та кумуш, 3та бронза медали билан биринчи ўринни эгаллади. Ўзбекистон терма жамоаси эса 4та олтин, 3та кумуш, 3та бронза медали билан иккинчи ўринни банд этди. Мезбонлар битта кумуш кўплиги эвазига биздан ўзиб кетишди, холос.
Финал натижалари:
-49 кг: Ҳасанбой Дўсматов (Ўзбекистон) - Батор Сагалуев (Россия) 2:3
-52 кг: Азат Махметов (Қозоғистон) - Азат Усеналиев (Қирғизистон) ТКО3
-56 кг: Шаҳобиддин Зоиров (Ўзбекистон) - Миразиз Мирзаҳалилов (Ўзбекистон) 0:5
-60 кг: Шунқор Абдурасулов (Ўзбекистон) - Алберт Батиргазиев (Россия) 1:4
-64 кг: Оганес Бачков (Арманистон) - Павел Фёдоров (Россия) 4:1
-69 кг: Виталий Дунайцев (Россия) - Тамерлан Хангешиев (Россия) 5:0
-75 кг: Исроил Мадримов (Ўзбекистон) - Глеб Бакши (Россия) 5:0
-81 кг: Бектемир Мелиқўзиев (Ўзбекистон) - Георгий Кушиташвили (Россия) 3:2
-91 кг: Муслим Гаджимагомедов (Россия) - Нарек Манасян (Арманистон) 5:0
+91кг: Баҳодир Жалолов (Ўзбекистон) - Владислав Муравин (Россия) иккинчи раундда нокаут
Фикрлар
Ilgari bu bokschiga bitta zarba berishga ham imkon qoldirmasdan yutgan WSB turnida Uzbek Tiger vs Rossiya o'yinida. Bu gal Hasanboy sekin o'yin ko'rsatdi, ko'proq himoyada turib bir ikki aniq zarbalar bilan ishladi, hamma zarbasi chiroyli tekkan. Rossiyalik bokschi Hasanboyga nisbatan faol lekin birorta aniq zarba yo'q edi.
Ilgari bu bokschiga bitta zarba berishga ham imkon qoldirmasdan yutgan WSB turnida Uzbek Tiger vs Rossiya o'yinida. Bu gal Hasanboy sekin o'yin ko'rsatdi, ko'proq himoyada turib bir ikki aniq zarbalar bilan ishladi, hamma zarbasi chiroyli tekkan. Rossiyalik bokschi Hasanboyga nisbatan faol lekin birorta aniq zarba yo'q edi.