Гулруҳбегим Тоҳиржонова АҚШ чемпионати кумуш медали соҳибаси!

АҚШ шарафини ҳимоя қилаётган ҳамюртимиз Гулруҳбегим Тоҳиржонова (2374) 11 имкониятдан 7,5 очко жамғариб, кумуш медаль соҳибасига айланди. Карисса Йип (2418) 8,5 очко билан АҚШнинг 2024 йилги чемпиони бўлди. У энди уч карра АҚШ чемпиони. Алисе Ли (2395) эса 7 очко билан бронза медалига эга чиқди. 

Гулруҳбегим Тоҳиржонова АҚШ вице-чемпиони бўлиш баробарида аёллар ўртасидаги жаҳон Кубогида қатнашиш ҳуқуқини ҳам қўлга киритди. Шунингдек, умумий мукофот жамғармаси 152 000 долларни ташкил қилган мусобақадаги иштирокидан 30 000 АҚШ доллари ҳам ишлаб олди. 

Мукофот жамғармаси 250 000 долларни ташкил этган эркаклар ўртасидаги АҚШ чемпионатида дунёнинг иккинчи рақамли шахматчиси бўлиб турган Фабиано Каруана (2805) чемпионлик шоҳсупасига кўтарилди. Каруана 11 имкониятдан 7 очко тўплади ҳамда 62 000 доллар мукофот пулини ҳам қўлга киритди.