Гвардиола кечаги 0:4 ҳисобидаги мағлубиятдан сўнг нималар деди?

Мағлубиятдан сўнг мезбонлар устози Пеп Гвардиола ўйин ҳақида фикрларини билдирди.

"Айни вақтда бизнинг ҳимоямиз жуда кучсиз. Ўйинни доимгидек яхши бошладик. Бироқ голли вазиятларимиздан фойдалана олмадик, аксинча ўз дарвозамиздан гол олиб чиқдик.

Биз саккиз йил ичида ҳеч қачон бундай ҳолатга тушмаганмиз. Энди биз бундан чиқиб кетишимиз ва кейинги баҳсда ғалаба қозонишимиз шарт. Ҳозир бизнинг ҳаётимизда "қора" чизиқлар бор, бироқ бир неча ҳафтадан сўнг барчаси бошқача бўлиши мумкин.

Футболчиларнинг ҳолати ҳам яхши эмас деб ўйлайман. Улар ҳам мағлубиятлардан сўнг босим остида қолишмоқда. Бу нормал ҳолат деб ўйлайман. Агар улар ва мен бу ҳолатдан ҳавотир олмасам, бу нормал ҳолат бўлмайди. Биз бундай мағлубиятларга ўрганмаганмиз, бироқ бу ҳаёт. Баъзида шундай вазиятлар бўлиб туради. Биз бу ҳолатдан чиқиб кетамиз", — деди Гвардиола.

Эслатиб ўтамиз, жамоа сўнгги бешта учрашувида мағлуб бўлди. "Ман Сити"нинг АПЛдаги навбатдаги рақиби "Ливерпуль" бўлади.