Ҳакамлик мавзусида йиғилиш ўтказилди + ФОТО

Федерация раиси ўринбосари Зафар Қаҳрамонов раҳбарлигида ўтган тадбирда  Ўзбекистонда дзюдо ҳакамлигини янги босқичга кўтариш, халқаро тоифадаги реферилар сонини ошириш, ҳакамлар учун турли семинарлар ташкил этиш каби долзарб масалалар муҳокама қилинди. 

Бугунги кунда Рамзиддин Саидов ва Вячеслав Перетейко олимпия тоифасидаги рефери сифатида фаолиятларини давом эттирмоқда. Саидов Токио Олимпия, Перетейко Паралимпия ўйинларида ҳакамлик қилишга муваффақ бўлди. 

Йиғилишда олимпия тоифасидаги ҳакамлар сонини кўпайтириш масаласига ҳам урғу қаратилди. Яқинда Қозоғистоннинг Алмати шаҳрида IJF томонидан A ҳакамлик тоифаси учун ўтказилган семинарда ҳакамларимиздан Қаҳрамон Узоқов, Тимур Муҳаммедханов ва Алишер Коргановлар ҳам муваффақиятли тарзда қатнашишган эди.