Ҳаммаси жаҳон чемпионлари! Россия юнон-рум кураши терма жамоасининг Олимпиадада қатнашадиган таркиби маълум

Куни кеча Россия спорт курашлари федерацияси ижроия қўмитасининг йиғилиши бўлиб ўтди. Унда Токио Олимпиадасида қатнашадиган Россия юнон-рум кураши терма жамоаси таркиби Федерация президенти, Олимпиада чемпиони Михаил Мамиашвили томонидан тасдиқланди.

Эътиборга молик жиҳати шундаки, таркибдаги барча курашчилар жаҳон чемпионлари ҳисобланади. Олимпия ўйинлари дастуридан ўрин олган юнон-рум кураши бўйича беллашувлар 1-8 август кунлари бўлиб ўтади. 

1-8 август, Токио, Япония.

Юнон-рум кураши. Олимпия ўйинлари-202One.

Россия терма жамоаси таркиби:

60 кг. Сергей Емелин — жаҳон чемпиони (2018), икки карра Европа чемпиони (2018, 2021).

67 кг. Артём Сурков — жаҳон чемпиони (2018), уч карра Европа чемпиони (2015, 2017, 2018).

77 кг. Александр Чехиркин — жаҳон чемпиони (2018), Европа чемпиони (2014), Европа ўйинлари ғолиби (2019).

97 кг. Муса Евлоев — икки карра жаҳон чемпиони (2018, 2019), икки карра Европа чемпиони (2019, 2021).

130 кг. Сергей Семенов — жаҳон чемпиони (2018), Рио Олимпиадаси совриндори (2016)