06 янв 11:35
Янгиликлар

Бокс/ММА

Ҳамюртимиз Богдан Гусков октагонга чиқадиган UFC турнирининг яна бир қизиқарли жанги эълон қилинди + ПОСТЕР

11 февраль куни АҚШнинг Лас-Вегас шаҳрида жойлашган "UFC Apex" аренада навбатдаги UFC Fight Night турнири ўтказилади.

UFC матбуот хизмати томонидан ушбу турнирдан ўрин олган яна бир жанг эълон қилинди. Унга кўра, ўрта вазн тоифасида арманистонлик Армен Петросян (8-2-0) бразилиялик Родольфо Виейра (9-2-0) билан тўқнаш келади. Жанг асосий кард доирасида ўтказилади.

Маълумот ўрнида, турнирнинг асосий жанги швециялик Жек Херманссон ва АҚШ вакили Жое Пайфер ўртасида ташкил этилади.

Хабар берганимиздек, ушбу оқшом доирасида яримоғир вазн тоифасида ўзбекистонлик аралаш яккакураш устаси Богдан Гусков (14-3-0) америкалик Зак Пауга (6-2-0)га қарши жанг қилади.