14 фев 20:57
Янгиликлар

Тадбирлар

Ҳамюртимиз - Бутужаҳон қўл жанги федерацияси вице-президенти!

Бугун Россия Федерацияси пойтахти Москва шаҳрида Бутужаҳон қўл жанги федерациясининг йиллик Конгресси ўтказилди.

Унда 2018 йил якунлари сарҳисоб қилинди ҳамда 2019 йили ўтказиладиган нуфузли мусобақалар тақвими тасдиқланди. Тадбирда шунингдек, Бутужаҳон қўл жанги федерациясининг амалдаги президенти Сергей Александрович Астахов ўз лавозимига қайтадан сайланди.

Биз учун қувонарлиси, Ўзбекистон қўл жанги федерацияси раиси ўринбосари Бахтиёр Мирзақулов Бутунжаҳон қўл жанги федерацияси вице-президенти этиб тайинланди.

Айтиш керак, бу тайинлов ўз-ўзидан бўлиб қолмади. Бунга юртимизда юқори савияда ташкил этилган Осиё чемпионати, шунингдек, халқаро профессионал рейтинг жанглари ҳамда ўзбек қўл жанги усталарининг жаҳонда кучлилар қаторидан жой олиб келаётгани сабаб бўлди.