03 янв 15:25
Янгиликлар

Бокс/ММА

Ҳамюртимиз Фирдавс Ҳасанов жангга чорлаган қозоғистонлик Азат Максумга UFC янги рақиб берди

Хабар берганимиздек, 4 февраль куни Лас-Вегас (АҚШ) шаҳрида навбатдаги UFC Fight Night турнири ўтказилади.

Ушбу мусобақа доирасида қозоғистонлик аралаш якка кураш устаси Азат Максум америкалик Нейт Манесс билан жанг қилиши керак эди, бироқ Манесс жароҳат сабаб жангда иштирок эта олмайдиган бўлди. Ушбу вазиятда ўзбекистонлик Фирдавс Ҳасанов заҳира варианти сифатида ўзини UFC'га таклиф қилди. Бироқ UFC Максумга лиганинг ўзидан рақиб топди.

Эндиликда Азат Максум 4 февраль куни америкалик бошқа бир жангчи - Чарльз Жонсонга қарши октагонга чиқади.

Аҳамиятлиси, мусобақада ўрта вазн тоифасида ўзбекистонлик UFC жангчиси Маҳмуд Мурадов россиялик Алиасхаб Хизриевга қарши жанг қилади.