05 янв 17:18
Янгиликлар
Бокс/ММА
Ҳамюртимиз томонидан икки бор нокдаун қилинган Постол тарозига чиқди, у иккита камар учун жанг ўтказади
Профессионал боксчимиз Жамшид Нажмиддинов томонидан икки бор нокдаунга учратилган, аммо якунда ҳакамларнинг нохолис баҳоси сабаб ғалабага эришган Виктор Постол чемпионлик камари учун рингга кўтарилади.
Украиналик собиқ жаҳон чемпиони 1 февраль куни Хитойнинг Хайкоу шаҳрида ташкил этиладиган бокс оқшомида рингга чиқади. Унинг рақиби биринчи ярим ўрта вазн тоифасида WBC ва WBO йўналишлари чемпиони Хосе Карлос Рамирес бўлади.
Бутунжаҳон бокс уюшмаси (WBC) қонун-қоидаларига кўра боксчилар жангга бир ой қолган бир пайтда илк тарозидан ўтиш маросимида иштирок этишди. Регламентга биноан боксчилардан белгиланган вазн меъёридан 10 фоизга, яъни 69,4 килограммдан ошиб кетмаслик талаб этиларди. Постол - 66,3, Рамирес эса 69,4 кг тош босди.
Ҳавола :
Фикрлар