09 июн 16:34
Янгиликлар

Триатлон

Ҳамюртларимиз Самарқандда ўтаётган пара триатлон бўйича Осиё чемпионати шоҳсупасида ФОТОГАЛЕРЕЯ

Хабар берганимиздек, бугун Самарқанд шаҳрида илк бор пара триатлон бўйича Осиё чемпионати бошланди.

Унда юртимиз спортчиларидан ташқари Жанубий Корея, Япония, Ҳиндистон, Қирғизистон каби давлатлардан 50 га яқин кучли пара триатлончилар ғолиблик учун баҳс олиб бордилар. Ушбу қитъа биринчилигида юртимиз шарафини 6 нафар пара триатлончимиз ҳимоя қилишяпти.

Мусобақа дастурига кўра спортчилар сузиш - 750 метр, велосипедда - 20 км ҳамда югуриш бўйича 5 км масофани босиб ўтишди. Улар дастлаб сузиш, кейин велосипед, сўнгги бўлиб югуриш пойгаларида ўзаро баҳс олиб боришди.

Эътиборлиси, пара триатлон бўйича Осиё чемпионатининг PTS 2 классида барча медаллар бизнинг спортчиларимизга насиб этди.

Олтин - Саидакбар Ғозиев

Кумуш - Рустамжон Сатиболдиев

Бронза - Миржалол Қурбонов