23 сен 11:05
Янгиликлар
Теннис
Hangzhou Open. Қозоғистонлик теннисчи финалга чиқди
Хитойнинг Ханчжоу шаҳрида ўтказилаётган теннис бўйича ATP 250 тоифасига кирувчи турнир ўз якуни сари яқинлашмоқда.
Дунёнинг 19-ракеткаси Александр Бублик мусобақанинг финалига чиқди. Қозоғистонлик теннисчи 1/2 финалда ATP рейтингида 196-поғонада бораётган хитойлик У Ибинни икки сетда ҳам бир хил ҳисобда мағлубиятга учратди - 6/3, 6/3.
Бу теннисчиларнинг ўзаро ўтказган илк учрашуви бўлди. Олтмиш икки дақиқа давом этган баҳсда Бублик 19, У Ибин 2 та эйс зарбасини амалга оширди. Қўшхатолар ва брейклар бўйича Александр бир хил кўринишда устунлик қилди - 3 га 0.
Бублик ATP турнирларида 15-финалида ўйнайди. Шу кунгача ўтказилган 14 та учрашувнинг тенг ярмида ғалаба қозониб, совринга эга чиққан. Бу йилги мавсумда Галле, Гштаад ва Китцбюэль шаҳарларида чемпионликка эришди.
Ҳавола :
Манба : gotennis
Фикрлар