Ҳарбий боксчилар ўртасидаги жаҳон чемпионати: Ўзбек боксчиларида 4 та ғалаба ва 4 та мағлубият

Бугун мусобақа доирасида саккиз нафар боксчимиз рингга кўтарилди. 

Рингга кўтарилган ўзбек боксчиларидан 4 нафари ғалабага эришган бўлса, 4 нафари афсуски имкониятни бой бериб қўйди. 

-49 кг вазнли боксчимиз Абдумажид Маннопов бразилиялик рақибга қарши жанг ўтказди ва имкониятни бой бериб қўйди

-75 кг вазнли боксчи қизимиз Мавлуда Мавлонова россиялик рақибасига қарши жанг қилди ва ғалаба қозонди

-56 кг вазнли боксчимиз Самандар Холмуродов мезбон боксчига имкониятни бой бериб қўйди

-60 кг вазн тоифасида юртимиз шарафини ҳимоя қилган Шунқор Абдурасулов мусобақадаги иккинчи жангини замбиялик рақибга қарши ўтказиб, ҳакамларнинг шубҳали қарори эвазига мағлуб бўлганди. Бироқ ушбу натижадан сўнг Ўзбекистон терма жамоаси штаби томонидан протест ёзилди. Шундан сўнг, жанг нейтрал ҳакамлар томонидан қайта кўриб чиқилди ва унда Шунқор Абдурасуловнинг ғалаба қозонгани қайд этилди. Демак, Шунқор кейинги босқичда ўз иштирокини давом эттиради!

-64 кг вазнли боксчимиз Мужибилло Турсунов жазоирлик рақибга қарши рингга кўтарилди ва ғалаба қозонди!

-91 кг вазнли боксчимиз Жавоҳир Тоғаймуродов суриялик рақибга қарши рингга кўтарилди ва имкониятни бой бериб қўйди

-81 кг вазнли боксчимиз Шоҳруҳбек Рустамов жазоирлик рақибга қарши рингга кўтарилди ва афсуски имкониятни бой бериб қўйди.

+91 кг вазнли боксчимиз Лазизбек Мулложонов кениялик рақибга қарши жанг ўтказди ва биринчи раунддаёқ рақибини нокаутга учратди!