Ҳасан Қаҳҳоров масофадан вазифасини адо этяпти

Шу жумладан Ўзбекистон спорт курашлари ассоциацияси мутасаддилари, ходимлар ва мураббийлар ҳам масофавий иш услубини йўлга қўйишган. 

Хусусан, Ўзбекистон спорт курашлари ассоциацияси ижрочи директори Ҳасан Қаҳҳоров ҳам ўз уйида меҳнат фаолиятини давом эттиряпти. Бошқача бўлиши ҳам мумкин эмас. Чунки, олдинда нуфузли мусобақалар бор. Насиб қилса, карантин тез кунларда якунига етади ва спортчилар анъанавий машғулотлар режимига қайтишади.    

"Мураббийларимиз терма жамоа аъзоларига уй шароитида ўтказиладиган махсус машғулотлар бериб боришяпти. Шифокорлар ҳар куни икки маҳал курашчиларимизнинг саломатлиги, тана ҳарорати, қон босимини назорат қилишяпти. Барча ишлар масофавий тарзда олиб бориляпти. Карантин ҳам биз учун бир синов. Ўзим ҳам оилам даврасида кунларни мазмунли ўтказишга ҳаракат қиляпман. Фарзандларим билан турли ўйинлар ўйнаяпмиз. Енгил машғулот ўтказяпмиз. Масофавий йўлга қўйилган мактаб дарсларини биргаликда бажаряпмиз. Фурсатдан фойдаланиб, азиз ҳамюртларимизни уйда қолишга, зарурат бўлмаса кўчага чиқмасликка чақираман", - дейди Ҳасан Қаҳҳоров.     

Ўзбекистон спорт курашлари ассоциацияси матбуот хизмати