Ҳасанбой Дўсматов: “Бугунги рақибим билан аввал ҳам жанг қилганман”

Хабар берганимиздек, Олимпиадада тўлиқ таркибда иштирок этаётган чарм қўлқоп усталаримиздан икки нафари бугун ўзларининг илк жангларини ўтказишади. Асосий умидларимиздан бири – 49 кг вазн тоифасидаги Ҳасанбой Дўсматов мексикалик Хоселито Веласкесга қарши рингга кўтарилади. Бугунги жанг олдидан чарм қўлқоп устамиз бизга қисқача интервью берди.

- Бугунги рақибим мен учун бегона эмас. У билан аввал ҳам тўқнаш келганман. 2015 йили Украинанинг “Украина атаманлари” жамоаси таркибида WSB турнири доирасида мексикалик бу боксчини мағлубиятга учратганман. Хоселито жуда жиддий рақиб. Кубалик кучли боксчини енга олган. Кубаликларнинг қандай салоҳиятга эга эканлигини биласиз. Қуръага ҳеч қандай муносабат билдира олмайман. Чунки, 22 нафар боксчининг ҳаммаси ҳам кучли. Мексикаликни мағлуб этсам, катта эҳтимол билан қозоғистонлик азалий рақибим Биржан Жакипов билан тўқнаш келаман, - дея сўзларига якун ясади Х.Дўсматов.