26 фев 12:19
Янгиликлар

Спорт курашлари

Ҳасанбой Раҳимов икки йиллик танаффусдан сўнг қайтяпти

Бугун Туркиянинг Истанбул шаҳрида ўтказилаётган нуфузли рейтинг турнирида эркин курашчилар баҳсларга киришадилар.

Эътиборга молик жиҳати шундаки, дисквалификация сабаб икки йил катта спортдан ташқари бўлган Ҳасанбой Раҳимов бугун гиламга чиқади. Жаҳон чемпионати совриндори 125 кг вазн тоифасининг илк даврасида қозоғистонлик Ергалига қарши баҳс олиб боради. Ушбу вазндаги иккинчи вакилимиз Сардор Холматов эса туркиялик курашчи билан тўқнаш келади.

Бугун шунингдек, 97 кг вазн тоифасидаги эркин курашчимиз Муҳаммадрасул Раҳимов ҳам мусобақадаги иштирокини бошлайди. Муҳаммадрасул амалдаги Ўзбекистон чемпиони ҳисобланади.