"Ҳумо Арена"да ўтказиладиган профессионал бокс оқшоми жуфтликлари маълум

LIFT промоутерлик компанияси ташкил этилаётган бокс оқшомининг марказий жанги биринчи ўрта вазн (69.85 кг) тоифасида Рио Олимпиадаси чемпиони Фазлиддин Ғоибназаров (10-1-0; 6 КО) ҳамда Жамшид Каримов (10-0-0;7 КО) ўртасида ўтказилади. Ушбу жанг 10 раунд этиб белгиланган. 

Оқшомнинг сo-main event жанги биринчи яримўрта вазн (63,5 кг) тоифасида Ованнес Бачко (Арманистон) Маркос Гонсалес Барраз (Мексика)га қарши рингга кўтарилади. Ўн раунд этиб белгиланган жанг ғолиби қитъалараро WBA камари учун кечади. Яна бир қизиқарли жанг Жоно Кэрролл (Ирландия) ва Жеймс Чережи (Руминия) ўртасида ўтказилади. 

Хабарингиз бор, 13 август куни "Ҳумо Арена"да 8 нафар боксчи ўртасида кичик гран-при турнири бошланганди. Ўшанда Шоҳруҳ Кенжаев Аббосхон Йўлдошевни, Мужибулло Турсунов Раҳматилло Шариповни, қозоғистонлик Нурим Дилшад қирғизистонлик Дастанбек Иманказиевни, Фарруҳ Арслонов

Тимур Абдураҳмоновни мағлубиятга учратиб, 1/2 финалга йўл олганди. Бугун айнан шу босқичга қуръа ташланади.   

Қолган жуфтликлар:

Енгил вазн (60 кг, 6 раунд). Ион Костин (Руминия) - Александру Ионита (Руминия) 

Ўрта вазн (72,57 кг, 6 раунд). Жакипбек уулу Жаркинбек (Қирғизистон) - Берекет Таиров (Қозоғистон)

Ўрта вазн (72,57 кг, 6 раунд). Довуд Маҳкамов (Тожикистон) - Нурта Карассавев (Қозоғистон) 

Ўрта вазн (72,57 кг, 6 раунд). Суҳроб Қаюмов - Асилбек Ваҳобов

Ўрта вазн (72,57 кг, 6 раунд). Анвар Турапов - Исломбек Мўминов    

Эртага, 1 декабрь куни соат 11:00 да Face to Face маросими, 2 декабрь соат 18:00 да бевосита профессионал бокс кечаси бўлиб ўтади.