"Ҳумо Арена"да хоккей мавсуми старт олди ФОТОРЕПОРТАЖ

Муҳташам “Ҳумо Арена” муз саройида “Тошкент” ҳамда “Снежний барс” болалар хоккей клублари  ўртасида ўртоқлик учрашуви бўлиб ўтди. 9-10, 11-12 ёшлилар иштирокида 2 та учрашув ўтказилди. Ҳар иккала ўйинда ҳам “Тошкент” клуби хоккейчиларининг қўли баланд келди: 6:4, 6:1.

Тошкент шаҳрида фаолият олиб бораётган “Ҳумо”, “Бинокор”, “Семурғ”, “Тошкент”, “Снежний барс” болалар хоккей клублари ўртасида учрашувлар ўтказиш анъана тусини олган. Бу эса болалар ўртасида соғлом турмуш тарзини шакллантириш, спортни, хоккейни  оммавийлаштиришда катта аҳамият касб этмоқда.

Суратлар муаллифи - Алимурод МАМАДАМИНОВ, ўз мухбиримиз