"Ҳумо" — "Бейбарис". Ярим финал олдидан ўйинга оид қизиқарли фактлар

Хабарингиз бор, Тошкентнинг "Ҳумо" хоккей клуби Қозоғистон Очиқ чемпионатида иштирок этмоқда.

Жамоа мунтазам чемпионатни иккинчи ўринда якунлаб, плей-оффга йўл олганди. 22 февраль куни "қанотлилар" чорак финал доирасида "Горняк" жамоасини тўрт ўйин натижасига кўра мағлуб этиб, ярим финал масаласини ҳал этган эди.


Эртага "қанотлилар" ярим финал доирасида "Бейбарис" жамоасига қарши уй ўйинларини бошлайди. Ушбу учрашувга оид қизиқарли фактлар билан таништирамиз:

— "Ҳумо" (мунтазам чемпионатда 2) – "Бейбарис" (мунтазам чемпионатда 3)

— Ушбу жамоалар ўртасида мунтазам чемпионатда ўтказилган учрашувлар: 4:7, 5:2, 1:2 Б, 5:4 Б.

— Ўзаро ўйинларнинг энг яхши тўпурари: Алексей Кириллов ("Ҳумо", 1+3) - Артём Бурделев ва Александр Воробёв ("Бейберис", иккаласи 3+1).

— Плей-оффда урилган/ўтказиб юборилган голлар: 12/6 - 15/10.

— Плей-оффнинг энг яхши тўпурари: Артём Валеев (3+1) - Дмитрий Михайлов (3+3).

— Плей-оффнинг илк босқичида "Ҳумо" тўртта ўйин натижасига кўра "Горняк Рудний"дан устун келди. "Бейбарис" эса ярим финал йўлида ўз қўшнилари "Актобе"ни бешта ўйин ҳисобига мағлуб этди.

— Мавсумда "Ҳумо" ва "Бейбарис" ўртасидаги тўртта учрашувнинг иккитаси буллитлар серияси билан якунланган.

— Бўлажак қарама-қаршиликни дарвозабонлар дуели дейиш мумкин. Роман Смирягин тўртта плей-офф учрашувида атиги олтита гол ўтказиб юборди (ҳар бир ўйинда ўртача 1,4), у зарбаларнинг 95,5 фоизини қайтарган. "Ҳумо" ҳозирча плей-оффнинг энг яхши ҳимоявий жамоаси. "Бейбарис" дарвозабони Роман Кальмиков эса "Актобе" билан ўйинлар сериясида 94,5% зарбаларни қайтара олганини таъкидлаш лозим.

*Маълумот учун, "Ҳумо" — "Бейбарис" учрашуви 11 март куни 19:30 да старт олади. Чипталарни iticket.uz сайти орқали ҳарид қилишингиз мумкин.