"Ҳумо" - "Динамо Тверь" ўйинига ташриф буюринг ва хайрли ишга ўз ҳиссангизни қўшинг

Ҳурматли дўстлар! ОХЛ доимий чемпионатини эзгу амал билан якунлашни ният қилганимиз сабабли – 5 феврал куни "Ҳумо Арена"да “Ҳумо” - “Динамо Твер” хайрия ўйини бўлиб ўтади.

Чипталар сотувидан йиғилган жамики маблағлар "Эзгу амал" фондига хайрия сифатида ўтказиб юборилади. Шу куни Ўзбекистон хоккей тарихида илк бор ўйинчоқ айиқчалар ташланиш маросимини ўтказамиз!

Ушбу фонд онкологик ҳамда қон касаллигига чалинган болажонларга ёрдам қўлини чўзади. Ушбу кун сиз нафақат бизнинг жамоани, балки ёрдамга муҳтож бўлганларни ҳам қўллаб-қувватлай оласиз.

Чипталарни iTicket.uz сайти ва кассаларидан ҳарид қилинг, эзгу амалга биз билан бирга қўл уринг.

Эзгу амал - Ўзбекистон Республикасида ижтимоий тармоқлар орқали ташаббускор кўнгиллилар томонидан яратилган илк фонд бўлиб, шу кунгача 150 дан ортиқ беморларга қиммат дориларни харид қилишда, тиббиёт муолажаларни тўлашда ва руҳий томонлама ёрдам кўрсатган!