20 ноя 10:14
Янгиликлар

Хоккей

"Ҳумо" илк ўйиндаги мағлубият учун "Актобе"дан реванш олди

Тошкентнинг "Ҳумо" хоккей клуби Қозоғистон чемпионати доирасида навбатдаги учрашувини ўтказди.

"Қанотлилар" кеча оқшом "Ҳумо Арена"да "Актобе" клубини қабул қилиб, 3:2 ҳисобида ғалаба қозонишди. Бу билан биринчи ўйиндаги мағлубият учун реванш ҳам олинди. Муз эгалари сафида Василий Жилов, Егор Буяльский ва Александр Дербенев киритилган шайбаларга муаллифлик қилишди.

"Ҳумо" кечаги ғалабадан сўнг турнир жадвалида 23 очко билан 5-ўринга кўтарилиб олди. "Актобе" 16 очко билан 9-поғонадан жой олган. Энди "Ҳумо" навбатдаги икки учрашувни ҳам ўз мухлислари кўз ўнгида ўтказади. Жамоамиз 27 ва 26 ноябрь кунлари "Ҳумо Арена"да чемпионат пешқадами Уст-Каменогорскнинг "Торпедо" клуби билан ҳисоб-китоб қилишади.