"Ҳумо" жамоаси финал доирасида Тошкентдаги кейинги ўйинини қачон ўтказиши расман эълон қилинди

Хабарингиз бор, хоккей бўйича Тошкентнинг "Ҳумо" клуби жорий йилги мавсумда Қозоғистон Очиқ чемпионатида муваффақиятли иштирок этиб, финалга қадар етиб келди.

"Номад" жамоасига қарши кечаётган финал сериясида иккита учрашувдан сўнг ҳисоб 1:1.

Жамоамиз кейинги икки учрашувни 7-8 апрель кунлари сафарда ўтказади.

12 апрель куни эса "қанотлилар" Тошкентда бешинчи ўйин доирасида музга чиқади. Кубок тақдирини ҳал қилиши мумкин бўлган мазкур учрашув 19:30 да бошланади.