"Ҳумо" плей-оффда. Ушбу босқичда ўйинлар қандай тизимда ўтказилади?

"Ҳумо" матбуот хизмати лигада плей-офф ўйинлари қандай тизимда ўтказилиши ҳақида маълумот берди. www.olamsport.com сайти шу асосида маълумотларни эътиборингизга ҳавола қилади. 

ВХЛ-2020 плей-офф ўйинлари қандай ўтказилади?

Плей-офф 22 февраль куни старт олади. Чемпионат якунларига кўра, иккита Конференциядан саккизта жамоа плей-офф босқичига йўл олади. 

Плей-офф босқичи доирасида 1/8 финал, 1/4 финал, 1/2 финал ва финал ўйинлари ўтказилади. 

Ушбу босқичларда ўйинлар тўртта ғалабагача ўтказилади. Умумий ҳисобда жамоалар ўзаро еттита ўйин ўтказишлари мумкин. Дастлабки иккита ўйин, лозим бўлса бешинчи ва еттинчи ўйинлар жуфтликда "сараланган" жамоаларнинг майдонида бўлади. 

Жуфтликда тўртта ўйинда ғалаба қозонган жамоа кейинги босқичга йўл олади. Ютқазган жамоа эса ўйинларни тарк этади. 

1/8 финал ўйинлари қуйидаги тартибда ўтказилади:

Биринчи Конференцияда юқори ўринни эгаллаган жамоа иккинчи Конференцияда саккизинчи ўрин, биринчи Конференцияда иккинчи ўринни эгаллаган жамоа иккинчи Конференцияда еттинчи ўриндаги жамоа ва х.к...

Юқорида қайд этилганидек, юқори ўриндаги жамоалар биринчи бўлиб ўз уйларида ўйин ўтказадилар. 

Эҳтимолий рақиб

Айни пайтда "Ҳумо" Конференция-1 да 7-ўринни эгаллаб турибди. "Конференция-2"да эса "Торос" 2-поғонани банд этган. Агар ўринлар шундай қоладиган бўлса, ушбу икки жамоа 1/8 финалда тўқнаш келиши мумкин.