"Ҳумо" рақиблари - бугун навбат "Горняк"ка

"Қанотлилар"нинг рақибларини таништиришда давом этамиз.

"Горняк" хоккей клуби - 1958 йилда Рудний шаҳрида (Қозоғистон) ташкил этилган. Жамоа 2001 йилдан бери Қозоғистон чемпионатида иштирок этиб келади, Горняк Россия чемпионатининг А тоифаси, Урал - Ғарбий Сибир (1 лига) зонасида ҳам иштирок этган.

"Горняк" Қозоғистон чемпионатининг икки карра кумуш, олти карра бронза медали ва Қозоғистон кубогининг икки карра ғолиби. Бундан ташқари, жамоа уч марта Россия чемпионатининг "А" тоифасида ғолиб бўлиб ва ушбу чемпионатнинг кумуш медали совриндори ҳисобланади.

Жамоа уй учрашувларини "ГОРНЯК АРEНА" муз саройида ўтказади. 2020/21 йилги мавсум олдидан клубда ребрендинг бўлиб ўтган. Клубнинг тимсоли тулки бўлиб, у Рудик деб аталади.

“Ҳумо” “Горняк” билан Тошкентда 15 ва 16 сентябрь кунлари соат 19.00да баҳслашади. Чипталар iTicket.uz сайтида сотилмоқда.