"Ҳумо" хоккей клуби очиқ машғулот ўтказди (ФОТО)

"Бу сафар анъанавий тадбир жамоанинг плей-офф босқичига тайёргарлигига бағишланди. 

Очиқ машғулот мухлислар орасида катта қизиқиш уйғотди. Ахир хоккей ишқибозлари яна қачон севимли жамоасининг машғулот жараёнини томоша қилиш, ўйинларга тайёргарлик машқларини кўриш имкониятига эга бўлишарди?

Бундан ташқари, «Ҳумо» хоккей клуби ташкилотчилари содиқ мухлисларга ўз севимли ўйинчилари билан янада яқинроқ танишиш имкониятини тақдим этишди. Машғулотдан сўнг барча хоҳловчилар автограф олиб, хоккейчилар билан суратга тушишди.

Бундай тадбирдан олинган яхши кайфият жамоамизнинг меҳнат кунларини янада ёрқин қилади ва олдинда турган шиддатли баҳсларда илҳом бағишлайди. Бугун биз билан бўлган барчага ташаккур!", дейилади "Ҳумо" матбуот хизмати хабарида. 

Плей-оффнинг дастлабки учрашувларига оз вақт қолди. Руднийнинг «Горняк»га қарши чорак финал сериясининг илк икки ўйинига чипталар iTicket.uz сайтида сотилмоқда. Учрашувлар 18 ва 20 февраль кунлари, соат 19:30 да "Ҳумо Арена"да бўлиб ўтади.