05 апр 22:42
Янгиликлар

Хоккей

"Ҳумо" юлдузларига савол беринг!

Эртага, 6 апрель куни Тошкент вақти билан соат 13:00да "Ҳумо" аъзолари Евгений Григоренко, Артём Воронин ва Павел Здуновлар иштирокида жонли эфир ташкил этилади.

Жонли эфир "Ҳумо" хоккей клуби ва Ўзбекистондаги етакчи спорт нашрларидан бири championat.asia томонидан ташкил этилади.

Ушбу видео-конференция доирасида Евгений Григоренко, Артём Воронин ва Павел Здунов иштирок этишади. Унда хоккейчилар Тошкентдаги мавсум ҳақида, ушбу қийин даврда нималар қилишаётгани ҳақида гапиришади ва мухлислар саволларига жавоб беришади.

Конференцияни "Ҳумо" матбуот хизмати раҳбари Александр Малышев модератор сифатида ташкил этади.

Ушбу трансляцияни https://www.facebook.com/championat.asia саҳифасида ёки УШБУ САҲИФАда кузатишингиз мумкин.

Хоккей юлдузларига савол беринг. Энг яхши савол эгасига "Ҳумо" клубининг совғаси тақдим этилади.