Ҳумоюн Султонов 200 000 долларлик Bengaluru Open турнирида иштирок этади

Bengaluru Open мусобақасининг мукофот жамғармаси 200 000 АҚШ долларини ташкил этади. Унда ҳамюртимиз Ҳумоюн Султонов ҳам ўз омадини синаб кўради. Мамлакатимининг биринчи ракеткаси қуръа натижасига кўра илк даврада австралиялик Тристан Скулкейтга қарши кортга чиқадиган бўлди. 

Ёдингизда бўлса, теннисчилар ўтган ҳафта Пунадаги турнирнинг ҳам илк босқичида ўзаро тўқнаш келишганди. Ўшанда Ҳумоюн рейтингда ўзидан анча юқорида бораётган рақибини 6/3, 4/6, 6/3 ҳисобида мағлубиятга учратганди. Тристан Бенгалор турнирида иккинчи рақам остида сараланган. Султонов - Скулкейт учрашуви эртага бизнинг вақт билан соат 10:00да бошланади.