Ҳумоюн Султонов бешинчи ракеткани мағлуб этди

Жароҳатлар сабаб мусобақаларда иштирок эта олмаган ва бунинг натижасида рейтингда яхшигина пастлаган Ҳумоюн Султонов Клагенфурт турниридаги иштирокини ғалаба билан бошлаганди. 

Мамлакатимизнинг собиқ биринчи ракеткаси 1/8 финалда иккинчи муҳим ғалабасига эришди. Султонов турнирнинг бешинчи ракеткаси, германиялик Луис Весселсни уч сет натижасига кўра мағлубиятга учрата олди - 6/3, 3/6, 6/3. 

Таққослаш учун, Султонов айни пайтда ATP рейтингида 806, Весселс эса 657-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Энди Ҳумоюн 1/4 финалда яна бир олмон теннисчиси Келвин Мюллерга қарши кортга чиқади. ATP рейтингида 924-поғонадан жой олган Мюллер 1/8 финалда турнирда тўртинчи рақам остида таснифланган, дунёнинг 553-ракеткаси венгриялик Петер Файтани 6/4, 7/5 ҳисобида енгишга муваффақ бўлди.