18 авг 15:26
Янгиликлар

Теннис

Ҳумоюн Султонов Иданья-а-Новада чемпион бўлди

Португалиянинг Каштела-Бранка округи Иданья-а-Нова тумани мезбонлигида ўтган теннис бўйича M25 тоифасига кирувчи турнир якунига етди.

Мукофот жамғармаси 25 000 АҚШ долларини ташкил этувчи ушбу мусобақада ҳамюртимиз Ҳумоюн Султонов ҳам муваффақиятли қатнашди. Мамлакатимизнинг биринчи ракеткаси бироз аввал якунига етган финал учрашувида ғалаба қозониб, бош соврин соҳибига айланди.

Турнирда биринчи рақам остида таснифланган Султонов 101 дақиқа давом этган ҳал қилувчи финал баҳсида мусобақанинг учинчи ракеткаси, литвалик Эдас Бутвиласни 6/4, 7/5 ҳисобида мағлубиятга учратди. Бу теннисчиларнинг ўзаро ўтказган илк учрашуви бўлди.

Таққослаш учун, Ҳумоюн Султонов ATP рейтингида 284, Эдас эса 405-ўринни эгаллаб турибди.