Ҳумоюн Султонов Мисрда 1/4 финалга чиқди

Мукофот жамғармаси 25 000 АҚШ долларини ташкил этувчи ушбу мусобақада Ҳумоюн Султонов ҳам муваффақиятли одимлаяпти. Ҳамюртимиз турнирда биринчи рақам остида таснифланган бўлиб, айни пайтда дунёнинг 339-ракеткаси бўлиб турибди. 

У 1/16 финалда ҳали ATP рейтингига киритилмаган украиналик теннисчи Андрей Порицкийни икки сетда ҳам бир хил ҳисобда мағлубиятга учратганди - 6/3, 6/3. Султонов 1/8 финалда яна бир украин теннисчиси Юрий Жавакяндан ҳам устун келди - 6/2, 7/6(3). 

Дунёнинг 485-ракеткаси бўлиб турган Жавакян илк даврада рейтингнинг 1009-поғонасидан жой олган мисрлик Бассем Собҳини қийинчилик билан таслим этганди - 6/4, 1/6, 6/4. Бугун Ҳумоюн франциялик Робин Бертрандга қарши кортга чиқади. Турнирда 7-рақам остида таснифланган Робин ATP рейтингида 450-ўринни эгаллаб турибди.