14 ноя 07:02
Янгиликлар
Теннис
Ҳумоюн Султонов Мумбайда муваффақиятли старт олди
Ҳиндистоннинг Мумбай шаҳрида теннис бўйича ITF таснифига кирувчи "M25" турнири бошланди.
Мусобақада Ўзбекистоннинг биринчи рақамли теннисчиси Ҳумоюн Султонов ҳам иштирок этмоқда. У турнирда биринчи рақамли спортчи сифатида таснифланган.
Ҳамюртимиз илк босқичда мезбон юрт вакили Адил Кальянпур қарши кортга чиқди. Олтмиш саккиз дақиқа давом этган баҳсда Султонов ортиқча қийинчиликсиз 6/2, 6/1 ҳисобида зафар қучди.
Таққослаш учун, Ҳумоюн Султонов айни пайтда ATP рейтингида 229, Адил 863-поғонадан жой олган. Бугун наманганлик 26 ёшли теннисчимиз 1/8 финалда яна бир ҳинд теннисчиси Дев Жавия билан баҳс олиб боради. Жавия рейтингда 705-ўринни эгаллаб турибди.
Ҳавола :
Манба : olamsport.com
Фикрлар