28 апр 12:16
Янгиликлар
Теннис
Ҳумоюн Султонов "Острава Челленжер"ида қатнашади
Чехиянинг Острава шаҳрида теннис бўйича ATP таснифидаги "Челленжер" мусобақаси бошланди.
Унда Ўзбекистоннинг биринчи рақамли ракетка устаси Ҳумоюн Султонов ҳам иштирок этади.
Ҳамюртимиз асосий тўрнинг илк даврасидан баҳсларга киришади. Унинг илк рақиби мусобақада саккизинчи рақам остида сараланган ливанлик Ҳади Ҳабиб бўлади. Учрашув 29 апрель, сешанба куни бизнинг вақт билан соат 13:00 да старт олиши белгиланган. Бу икки теннисчининг ўзаро ўтказадиган илк баҳсига айланади.
Маълумот учун, 26 яшар Ҳумоюн айни дамда ATP рейтингида 224, у билан тенгдош Ҳади Ҳабиб эса 174-ўринни эгаллаб турибди.
Ҳавола :
Манба : olamsport.com
Фикрлар