30 июл 12:59
Янгиликлар

Теннис

Ҳумоюн Султонов President's Cup вице-чемпиони

Қозоғистоннинг Астана шаҳрида ўтказилаётган теннис бўйича "Челленжер" туркумига кирувчи турнир ўз якунига етди.

Мукофот жамғармаси 40 минг АҚШ долларини ташкил этувчи мусобақада иккинчи ракеткамиз Ҳумоюн Султонов ҳам муваффақиятли иштирок этди. Дунёнинг 550-ракеткаси бўлиб турган Султонов бироз аввал якунига етган финал учрашувида қозоғистонлик тажрибали Денис Евсеевга қарши кортга чиқди.

Икки соату 24 дақиқа давом этган драматик финалда тажриба ўз сўзини айтди. Турнирда учинчи рақам остида таснифланган, дунёнинг 412-ракеткаси бўлган Евсеев ҳал қилувчи паллада ўз маҳоратини ишга солди - 7/5, 2/6, 6/4. Денис ўтган йилги турнирнинг финалида ютқазиб қўйганди.

Ҳумоюн Султонов Астанадаги иштирокидан 30 рейтинг очкоси ва 3260 доллар мукофот пули ишлаб олди. Евсеев эса 50 очко ва 5500 долларга эга бўлди.