Ҳумоюн Тўхтамуродов қамоқда бўлган вақтида гапирган баъзи бир ММА жангчиларнинг гапларига жавоб берди

«Ҳибсга олинганимдан сўнг баъзи бир жангчи блогерлар телефонда гапириб, нималардир қилди. Агар ўшалар кўчада юзма-юз кўришиб қолса, кетгунигача қўли кўксида туради. Мана шунақаларни иккиюзламачи деб атайман. Бошингизга мусибат тушиб қолса, «маска» кийиб олмаслик керак. Мен билан бўлган воқеани ҳали ҳеч ким билмай, интернетга кирволиб ҳар хил гапларни гапиришни ҳамма билади.

Мисол учун, мени ҳам инстаграм саҳифамда 1,3 миллион нафар обуначим бор. Менам бир нима деб айтсам, кимдир ишонади, кимдир йўқ. Шунинг учун ҳам аниқ маълумот олмай туриб, ҳамма гапга ҳам ишониш керак эмас», -деди Тўхтамуродов.