Ҳумоюн Тўхтамуродов реванш беришга тайёр: «Ўзбекларни ғалабасини кўра олмайдиганлар билан керак бўлса ҳозир жанг қилишга тайёрман»

Ҳумоюн Тўхтамуродовдан мағлубиятга учраган эронлик Мехршод Эстрабади реванш сўраганлиги ҳақида хабар берган эдик. Шундан сўнг Тўхтамуродов билан боғланиб чорловга муносбати ҳақида сўрадик:

«Мен ташкилотчиларга жангга розилигимни, Қозоғистондами ёки Туркиядами октагонга чиқишга тайёрлигимни айтдим. Октабрда бўладиган турнирда бўлса ҳам фарқи йўқлигини маълум қилдим.

Улар эса Эстрабади промоушен қоидаларини бузган (берилган жангдан бош тортган)лиги учун Оctagon League'да қайта жанг қила олмаслигини, бу чорлов орқали шунчаки трешток қилмоқчи бўлаётганини айтишди.

Ўзбекларни ғалабасини кўра олмайдиганлар билан керак бўлса ҳозир жанг қилишга тайёрман. 5 дақиқа қизиб олишга руҳсат беришса бас», - деди Ҳумоюн Тўхтамуродов.