IBAдан чиқиш ҳақида гапирган Головкин россияликлар танқидига учради

Россиялик мураббий Эдуард Кравцов бу ҳақида фикрларини билдирди. 

"Фикримча, Геннадийда айни пайтда барча буюк боксчилардек муаммо бор. У қозоғистонликлар ишончи ва юқори лавозимга эришди. Аммо ҳаваскор боксда рўй бераётган воқеаларга мослаша олмаяпти. 

Геннадий буюк ва таниқли боксчи, шунингдек бой эканлигини ҳам ёддан чиқармаслик керак. Гап шундаки - у бой. Қорни тўқнинг эса қорни оч билан иши йўқ. Қозоғистонлик боксчиларни World Boxing'га чорлаш...

Геннадий қозоғистонлик боксчиларни оч қолдирмоқчи ва эшикларни ёпиб қўймоқчи. Барча боксчилар Геннадий каби бой ва буюк бўлишни исташади. Бу ташкилот таклиф этаётган нарса эса биринчисини ҳам, иккинчисини ҳам бермайди. 

Тақвим йўқ, молиялаштириш йўқ. Лекин қандайдир сиёсий мақсадлар бор. У йўқ жойдан ташкил этишди", - деди Россия бокс федерацияси мураббийлар штаби раиси ҳисобланадиган Кравцов.