10 авг 16:32
Янгиликлар

Бокс/ММА

IBF Комми - Лопес жанги ўтказилишини эълон қилди

Халқаро бокс федерацияси (IBF) енгил вазн тоифасида ушбу йўналиш чемпиони Ричард Комми ҳамда расмий даъвогар Теофимо Лопес ўртасида жанг ўтказилишини мажбурий қилиб қўйди.

Энди Комми ҳар қандай ҳолатда ҳам Лопесга қарши рингга кўтарилади. Акс ҳолда чемпионлик камарини вакант қолдиради, яъни топширади. Боксчиларнинг жамоалари 30 кун ичида ўзаро жанг шартлари бўйича келишиб олишлари шарт.

Келишувга амалга ошмаган тақдирда, қолган промоутерлар ўртасида очиқ савдо амалга оширилади. Жанг ғолиби келаси йили Ломаченко - Кэмпбелл жанги ғолибига қарши мутлоқ чемпионлик учун рингга чиқиш ҳуқуқини қўлга киритади.