Ибодат Агажанова: "Хеч кимдан кам эмаслигимизни исботлайман"

"Мусобақага тайёргарлигимиз аъло даражада ўтмоқда. Жамоадошларим билан биргаликда машғулотларда қатнашяпмиз. Мураббийларимиз ҳар бир камчиликларимиз устида ишлашмоқда. Машғулотлардан кўнглим тўқ, хато ва камчиликларимиз тузатилди.

Бундай нуфузли мусобақалар олдидан ҳар бир спортчи ўз олдига мақсад қўяди. Мен ҳам шу ўринда айтишни истардим. Мақсадим - байроғимизни юқори кўтариб, олтин медални қўлга киритишдир. Худо хоҳласа бу мақсадимга эришаман.

Жаҳон чемпионатига ҳар бир давлатнинг энг кучлилари сараланиб келади. Уларнинг ўзига яраша маҳроати бор. Менинг бу йўлдаги рақибларим, Россия, Беларусь, Украина, Қозоғистон каби мамлакатлардан бўлади.

Чемпионатнинг Ўзбекистонда ўтказилиши барчамиз учун яхши имконият деб биламан. Чунки ўз юртимизда, яқинларимизнинг ёнларида бўламиз. Уларнинг қўллаб-қувватлашини ҳис қиламиз. Бундай паллада ўзимга бўлган ишончим янада ортади.

Мен ҳам руҳан, ҳам жисмонан мусобақага тайёрман. Насиб қилса, Президентимизнинг, ота-онамнинг, устозларим ва мухлислар ишончини оқлайман. Олтин медаль қўлга киритиб, хеч кимдан кам эмаслигимизни исботлайман", - деди Ибодат Агажанова.

Ўзбекистон самбо ассоциацияси матбуот хизмати