21 авг 16:28
Янгиликлар
Дзюдо, Шахмат
IBSA Жаҳон ўйинлари: Шахматчиларимиз ўз юришини бошлашди, навбатда пара дзюдочиларимиз
Буюк Британиянинг Бирмингем шаҳрида заиф кўрувчи ва кўзи ожиз спортчилар ўртасида IBSA жаҳон ўйинлари старт олди.
Мусобақани пара шахматчилар бошлаб беришди. “Ақл гимнастикаси” дея эътироф этиладиган шахмат мусобақаларида дунёнинг турли давлатларидан 20 дан ортиқ спортчилар ғолиблик учун ўзаро баҳс олиб боришмоқда.
Биринчи турда ҳамюртимиз Аҳадхон Кимсанбоев руминиялик рақиби Бурсук Михаига қарши дона сурди ва ғалаба қозонди. Яна бир ҳамюртимиз Райҳона Шарофова тажрибалироқ бўлган Чехия вакили Польмар Жосефга қарши оқ доналарда ҳаракат қилди ва дуранг натижага эришди.
Эслатиб ўтамиз, шахмат мусобақалари 7 турдан иборат бўлади. Пара дзюдочиларимиз эса мусобақа олдидан сўнгги тайёргарликни олиб боришмоқда.
Ҳавола :
Фикрлар