19 май 11:34
Янгиликлар

Паралимпия

Нуфузли IBSA халқаро ташкилоти билан ҳамкорлик алоқалари йўлга қўйилмоқда

Спорт вазирлигида шу кунларда юртимизга бўлиб турган Халқаро кўзи ожизлар федерацияси президенти Илгар Раҳимов бошчилигидаги делегация билан учрашув ўтказилди.

Тадбирда Спорт вазири Адҳам Икрамов, Ўзбекистон Республикаси Президенти ҳузуридаги ижтимоий ҳимоя миллий агентлиги директорининг биринчи ўринбосари Шаҳноза Мирзиёева, Миллий Паралимпия қўмитаси раиси Мухторхон Ташходжаев, Ўзбекистон кўзи ожизлар спорт федерацияси раиси Отабек Эргашев иштирок этди.

Учрашувда Ўзбекистонда имконияти чекланган шахслар ўртасида спортни ривожлантириш борасида амалга оширилаётган кенг кўламли ишлар меҳмонлар томонидан алоҳида эътироф этилди. Шунингдек, IBSA (Халқаро кўзи ожизлар спорт федерацияси) билан ҳамкорликнинг истиқболлари муҳокама қилинди.

Жумладан, ташкилот билан ҳамкорликда келгусида юқори нуфузли халқаро спорт тадбирларини ташкил этиш масаласига эътибор қаратилиб, IBSA мутасаддиларининг бу борадаги таклифлари эшитилди. Якунда томонлар учрашув натижаларини ижобий баҳолаб, келгусида ўзаро манфаатли ҳамкорликни кенгайтиришга келишиб олдилар.

Маълумот ўрнида айтиш жоизки, IBSA — Халқаро кўзи ожизлар спорт федерацияси 1981 йилда Франциянинг Париж шаҳрида ташкил этилган. Федерациянинг асосий мақсади — кўзи ожиз ва заиф кўрувчи инсонларнинг жамиятга тўлиқ интеграциясини таъминлаш ҳамда уларни спортга жалб қилишдир. IBSA — Халқаро Паралимпия қўмитасининг тўлақонли аъзоси саналади.

Бугунги кунда IBSA ташкилотига 117 та давлат аъзо ҳисобланади.

Ҳавола :

Манба : minsport.uz

Рейтинг:

20:08

Шоҳжаҳон Эргашев Шаҳрам Ғиёсовнинг гапларига жавоб қайтарди 0

11:50

Шаҳрам Ғиёсов ниҳоят, Шоҳжаҳон Эргашевнинг чақирувларига муносабат билдирди 0

15:53

Тошкент IBSA World Games 2027 комплекс мусобақасига мезбонлик қилади 0

Фикрлар

< сўнгги янгиликларни кўриш

19 май 11:34 Янгиликлар

Нуфузли IBSA халқаро ташкилоти билан ҳамкорлик алоқалари йўлга қўйилмоқда

Ўхшаш янгиликлар

19 май 11:34
Янгиликлар