27 дек 11:40
Янгиликлар

Теннис

Ига Cвёнтек - Европанинг энг яхши спортчиси!

Сайёрамизнинг биринчи рақамли теннис маликаси Ига Свёнтек Польша босма агентлиги (РАР) томонидан Европанинг 2022 йилдаги энг яхши спортчиси деб топилди.

У ушбу мукофотни қўлга киритган учинчи аёл теннисчига айланди. Свёнтекка қадар германиялик Штеффи Граф ва швейцариялик Мартина Хингис ҳам ушбу агентлик томонидан йил спортчиси сифатида эътироф этилганди. Ўтган йили бу соврин сербиялик теннисчи Новак Жоковичга насиб этган эди.

Жами 20 та информацион агентлик иштирокида ўтказилган сўровномада 2022 йилги "Ролан Гаррос" ва US Open турнирлари ғолибаси 118 балл тўплади.

Иккинчи ўрин енгил атлетиканинг лангарчўпга таяниб сакраш йўналиши вакили Арман Дюплантисга (106) насиб этган бўлса, Формула-1 чемпиони Макс Ферстаппен (82) кучли учликка якун ясади.