18 янв 11:22
Янгиликлар

Теннис

Ига Свёнтек Australian Open учинчи даврасига йўл олди

Мельбурн шаҳрида Австралия Очиқ чемпионати давом этмоқда.

"Катта Дубулға" туркумига кирувчи мавсумнинг илк мусобақасининг бугунги дастуридан ўрин олган учрашувлар ёмғир сабаб кечроқ муддатга қолдирилди. Кеча эса сайёрамизнинг биринчи рақамли теннис маликаси Ига Свёнтек учинчи давра йўлланмасини қўлга киритди.

Польшалик теннисчи иккинчи даврада WTA рейтингида 84-поғонада бораётган колумбиялик Мария Осориони ортиқча қийинчиликсиз мағлуб этди - 6/2, 6/3. Саксон беш дақиқа давом этган баҳсда иккала теннисчи ҳам эйс зарбасини амалга ошира олмаган. Бу теннисчиларнинг ўзаро ўтказган илк учрашуви эди.