Ига Свёнтек Индиан-Уэллс турнири чемпиони!

WTA 1000 тоифасига кирувчи мусобақа бош соврини дунёнинг биринчи ракеткаси Ига Свёнтекка насиб этди. Польшалик теннис маликаси ҳал қилувчи финал учрашувида WTA рейтингида 9-ўринни эгаллаб турган грециялик Мария Саккарини ортиқча қийинчиликсиз мағлубиятга учратди - 6/4, 6/0.

Бу билан у теннисчиларнинг ўзаро учрашувларидаги ҳисоб мувозанатини ҳам тиклаб қўйди - 3:3. Олтмиш тўққиз дақиқа давом этган баҳсда Свёнтек 2, Саккари 1 та эйс зарбасини амалга оширган. Қўшхато ҳамда брейклар Игада 2 га 1 ва 5 га 1 кўринишларида, Игада кўпроқ бўлди.

Финал учрашувидаги зафар польшалик теннисчининг мавсумдаги 20-ғалабаси бўлди. Бу Турдаги энг яхши натижа ҳисобланади. Свёнтек фаолиятидаги 19-совринини қўлга киритди. WTA 1000 тоифасидаги чемпионлик титуллари сони 8 тага етди. 

BNP Paribas Open турниридаги муваффақиятли иштирок Свёнтекка 1000 рейтинг очкоси ҳамда 1 млн 100 минг АҚШ доллари миқдоридаги мукофот пулини тақдим этди.