09 окт 10:42
Янгиликлар

Теннис

Ига Свёнтек "Ролан Гаррос" финалида

Франция пойтахти Париж шаҳрида ўтказилаётган теннис бўйича "Ролан Гаррос" турнири ўзининг ҳал қилувчи палласига кирди.

Аёллар ўртасидаги баҳсларда финал иштирокчилари маълум бўлди. Сайёрамизнинг 54-ракеткаси Ига Свёнтек биринчи бўлиб финалга йўл олди. Польшалик теннисчи ярим финалда рейтингнинг 131-поғонасидан жой олган аргентиналик Надя Подорошкани таслим этди - 6/2, 6/1.

Учрашув 70 дақиқа давом этган. Бу теннисчиларнинг ўзаро илк учрашуви эди. 19 ёшли Свёнтек ўз фаолиятида илк бор "Катта Дубулға" турнири бош соврини учун кортга чиқадиган бўлди.