Икки жамоамиз 50th Interamnia World Cup ғолиби!

Ушбу мусобақада сайёрамизнинг 5 қитъаси 46 давлатидан келган ёшлар, қизлар, эркаклар ва аёллар жамоалари ғолиблик учун ўзаро куч синашди. 

Қувонарлиси, Тошкентнинг РКОР ва Олмалиқнинг ОКМК жамоалари Аппенин ярим оролидаги мусобақада мамлакатимиз шарафини муносиб ҳимоя қилишди. 

Хусусан, пойтахт жамоаси 18 ёш ва ундан катталар биринчилигининг гуруҳ босқичида “Levis” C.H. (Канада), “Main-Nidda” HSG (Германия), “Crea El Harrouch” (Жазоир),“Аl - Ittihad” S.C. (Ливия), “Guaynabo” (Пуэрто-Рико) жамоаларини доғда қолдирди. 1-4 ўринлар учун Уругвай, Франция ва Канада вакиллари билан беллашиб, шоҳсупанинг энг юқори поғонасига кўтарилишга мушарраф бўлди. 

Тошкент вилоятининг ОКМК жамоаси эса 21 ёш ва ундан катталар ўртасида биринчи ўринни қўлга киритди. Олмалиқлик гандболчилар ғолиблик йўлида “Tsinghua university” (Хитой), INDIA HHC (Ҳиндистон), “Crea El Harrouch” (Жазоир), “Madagaskar J.A.P. (Мадагаскар), “Cus unite lions Teramo” (Италия), “Turan” S.C. (Қозоғистон), “Veteran hammamet” (Тунис), “Taiwan university” (Хитой Тайпейи) ва “Nady Shahab Azoun” (Фаластин) жамоаларига қарши майдонга тушишди.