24 май 20:07
Янгиликлар
Бокс/ММА
Икки карра Олимпиада чемпионида коронавирус аниқланди
Миллий баскетбол ассоциацияси (МБА) юлдузларидан бири, икки карра Олимпия ўйинлари чемпиони америкалик Патрик Юингда коронавирус инфекцияси аниқланди.
Бу ҳақида баскетболчининг ўзи ижтимоий тармоқда маълум қилган.
“Шу хабарни Сизларга айтмоқчи эдимки, менинг коронавирусга топширган таҳлилларим мусбат натижа кўрсатди. Бу вирус жуда жиддий бўлиб, енгил ва тез юқувчи экан. Ҳар бирингизга уйингизда қолиб, ўзингиз ва яқинларингизни асрашингизни билдириб қоламан”, – дея пост қолдирган Юинг.
Эслатиб ўтамиз, Патрик Юинг “Дрим Тим”, яъни “Орзулар жамоаси” номини олган баскетбол бўйича АҚШ терма жамоаси сафида Лос-Анжелес-1984 ва Барселона-1992 Олимпия ўйинларида ғалаба қозонган. Ҳозирда “Жоржтаун Хойяс” жамоасини бошқариб келмоқда.
Ҳавола :
Манба : olympic.uz
Фикрлар