11 дек 08:19
Янгиликлар

Теннис

Икки теннисчимиз Исломободдаги турнирда!

Бугун Покистоннинг Исломобод шаҳрида теннис бўйича “Фьючерс” туркумига кирувчи турнирнинг асосий тўр баҳслари бошланади.

Соврин жамғармаси 15 000 АҚШ долларини ташкил қилувчи мусобақада уч нафар ҳамюртимиз ҳам иштирок этяпти. Улардан Амал Султонбеков саралаш баҳсларида мағлубиятга учради. Шониғмат Шофайзиев эса икки рақибини мағлуб этиб, асосий тўрга йўл олди.

Саидаъло Саидкаримов эса рейтинги бўйича тўғридан-тўғри асосий тўрда қатнашиш ҳуқуқини қўлга киритган. Шофайзиев асосий тўрнинг илк даврасида турнирнинг еттинчи ракеткаси эронлик Ҳамидризо Надафга, Саидкаримов эса покистонлик Хира Ошиққа қарши кортга чиқади.