Икки томонлама ҳамкорлик алоқалари муҳокама қилинди

Шу муносабат билан Ўзбекистон Республикаси Спорт вазири Адҳам Икрамов Туркия давлатида хизмат сафарида бўлиб турибди. Ташрифи доирасида А. Икрамов ҳамда Туркия ёшлар ва спорт вазири Осмон Ашкин Бак ўртасида учрашув ташкил этилди.

Учрашув давомида Спорт вазири ўринбосари М.Исмоиловнинг ўтган йили Туркияга ташриф доирасида келишиб олинган Ўзбекистондаги спорт объектларига давлат-хусусий шериклик асосида тўғридан-тўғри хорижий инвестицияларни олиб кириш, “Спортото” тизимини ўрганиш ва ўзаро ҳамкорликни янада ривожлантириш масалалари муҳокама қилинди.

Шунингдек, соҳада тажриба алмашиш юзасидан икки давлат вазир ўринбосарларининг ҳамкорлигини янада кучайтириш, университетлар ўртасидаги ҳамкорлик алоқалари ва соҳада коррупцияга қарши курашиш бўйича келишиб олинди.