28 янв 10:28
Янгиликлар

Бокс/ММА

Икки вазн чемпионлари - Миочич ва Кормье ўзаро октагонда тўқнаш келишади

Аралаш қоидалар бўйича оғир вазнда UFC чемпиони Стипе Миочич (18-2) ҳамда ярим оғир вазн тоифасида Даниэл Кормье (20-1) бирлаштирувчи чемпионлик жангида октагонга чиқишади.

Ушбу чемпионлик жанги UFC 226 турнири доирасида бўлиб ўтади. Жангга 7 июль куни АҚШнинг Невада штати Лас-Вегас шаҳридаги Т-Mobile Arena мажмуаси мезбонлик қилади.

Эътиборлиси, иккала чемпион ҳам ўзларининг сўнгги жангларини UFC 220 турнирида ўтказишганди. Миочич ҳакамларнинг якдил қарорига кўра Фрэнсис Нганнуни мағлуб этганди. Кормье эса Волкан Одземирни нокаутга учратган эди.