09 авг 16:14
Янгиликлар

Бокс/ММА

Икки вазнда собиқ UFC чемпиони промоушендаги ҳакамликни танқид қилди

Эркин кураш бўйича Олимпия ўйинлари ғолиби, икки вазнда собиқ UFC чемпиони Генри Сехудо дунёнинг энг кучли лигасидаги ҳакамлик ҳақида гапирди.

Америкалик 39 ёшли аралаш яккакураш устаси ноқонуний зарбалар учун изчил жарималарнинг йўқлиги промоушен жангчиларига жиддий молиявий зарар етказаётганини маълум қилди.

"Ҳакамлар ноқонуний зарбалар учун очко олиб ташлашдан бош тортса, жангчилар ўз гонорарининг 50 фоизини йўқотадилар ва оилаларини боқа олмайдилар. Гап фақат ғалаба ёки мағлубият ҳақида эмас, балки жангчиларнинг тирик қолиши учун зарур бўлган пул ҳақида кетяпти. Агар сиз ўз ишингизни бажара олмасангиз, агар ҳакамлар ўз ишини бажармаса, бу одамларнинг ҳаётига таъсир қилади", — дея Сехудонинг сўзларини келтиради BLISS ижтимоий тармоқдаги Х саҳифасида.