Икки йўналиш чемпиони Артур Бетербиевнинг рақиби ўзгарди

Канадада истиқомат қилаётган россиялик жаҳон чемпиони германиялик Адам Дейнес (19-1-1, 10 КО) билан тўқнаш келадиган бўлди, деб хабар бермоқда ESPN.

Асида Артур 28 март куни Канадада IBF камарига расмий даъвогар хитойлик Мэн Фаньлунга қарши рингга кўтарилиши лозим эди. Коронавирус пандемияси сабаб бу жанг 25 сентябрга кўчирилди. Аммо, яна ўша сабаб билан чемпионлик жанги мезбонлиги Екатеринбургдан Москва шаҳрига олиб берилди.  

Хабарда айтилишича, Фаньлун чегараларнинг ёпиқлиги, виза олишдаги муаммолар сабаб Россияга кела олмайди. Шу боисдан ҳам ташкилотчилар Бетербиевга янги рақиб топишди. Қизиғи, Артурнинг янги рақиби Дейнес ўтган йили Фаньлунга очколар ҳисобига кўра ютқазиб қўйганди.